KCBC

06/06/2023

മണിപ്പൂര്‍ കലാപം: കെസിബിസിയുടെ നേതൃത്വത്തില്‍ പ്രാര്‍ത്ഥനയും മെഴുകുതിരി പ്രദക്ഷിണവും

കൊച്ചി: മണിപ്പൂരില്‍ എത്രയും വേഗം സമാധാനം പുനഃസ്ഥാപിക്കണമെന്ന് ആവശ്യപ്പെട്ടും കലാപത്തില്‍ കൊല്ലപ്പെടുകയും ഭവനങ്ങളും സ്വത്തുവകകളും നഷ്ടപ്പെട്ട് പലായനം ചെയ്യേണ്ടിവരുകയും ചെയ്ത സഹോദരീസഹോദരന്മാരോട് ഐക്യദാര്‍ഢ്യം പ്രകടിപ്പിച്ചുകൊണ്ടും ഇന്ന് (7 ജൂണ്‍) വൈകുന്നേരം 6 മണിക്ക് കെസിബിസിയുടെ നേതൃത്വത്തില്‍ വല്ലാര്‍പാടം മരിയന്‍ തീര്‍ത്ഥാടന ബസ്ലിക്ക ദൈവാലയത്തില്‍ പ്രാര്‍ത്ഥനയും മെഴുകുതിരി പ്രദക്ഷിണവും നടത്തുന്നു.

കെസിബിസിയിലെ എല്ലാ അഭിവന്ദ്യ പിതാക്കന്മാരും വൈദികരും സന്യസ്തരും വിശ്വാസികളും ഇതില്‍ പങ്കെടുക്കുന്നു. നമ്മുടെ രാജ്യത്തില്‍ ഐക്യവും മതസ്വാതന്ത്ര്യവും നിലനില്‍ക്കണം എന്നാഗ്രഹിക്കുന്ന എല്ലാവരെയും ഈ പ്രാര്‍ഥനായജ്ഞത്തിലേക്ക് സ്വാഗതം ചെയ്യുന്നു.