മാനന്തവാടി രൂപതയുടെ രൂപതായോഗത്തിന്റെ രണ്ടാം ഘട്ടമായ ഫൊറോനാ അസംബ്ലി കല്പറ്റ ഫൊറോനയുടെ വാഴവറ്റ ഇടവകയില്‍ വച്ച് നടന്നു. രാവിലെ 10 മണിക്ക് പ്രാരംഭപ്രാര്‍ത്ഥനയോടെ ആരംഭിച്ച ഫൊറോനാ അസംബ്ലിക്ക് കല്പറ്റ ഫൊറോനാ വികാരി റവ. ഫാ. സോമി വടയാപറമ്പില്‍ സ്വാഗതം ആശംസിച്ചു. രൂപതായോഗത്തിന്റെയും ഫൊറോനായോഗങ്ങളുടെയും പ്രാധാന്യവും പ്രസക്തിയും വിവരിച്ചുകൊണ്ടും കല്പറ്റ ഫൊറോനയുടെ സ്ഥിതിവിവരക്കണക്കുകള്‍ അവതരിപ്പിച്ചുകൊണ്ടുമാണ് സോമിയച്ചന്‍ സ്വാഗതപ്രസംഗം നടത്തിയത്. തുടര്‍ന്ന് നിലവിളക്ക് തെളിച്ചുകൊണ്ട് ഫൊറോനാ അസംബ്ലി ഉദ്ഘാടനം ചെയ്ത അഭി ജോസ് പൊരുന്നേടം പിതാവ് ആമുഖപ്രഭാഷണം നടത്തി. മോഡറേറ്റര്‍ ഫാ. ബിജു മാവറ പേപ്പറുകള്‍ അവതരിപ്പിക്കുന്നതിനാവശ്യമായ മാര്‍ഗ്ഗനിര്‍ദ്ദേശങ്ങള്‍ നല്കുകയും ചെയ്തു.