We appreciate that you have taken the time to write us. We will get back to you very soon. Please come back and see us often.
|
Follow Us
|
Message To
|
Write Us
|
Progressing
Syro Malabar19/07/2023
കോട്ടയം: അനന്യമായ കര്‍മ്മശേഷിയും രാഷ്ട്രീയ നൈപുണ്യവും ജനസ്വാധീനവും വ്യക്തിപ്രഭാവവും സര്‍വ്വോപരി ദൈവാശ്രയബോധവുമുണ്ടായിരുന്ന ഉമ്മന്‍ചാണ്ടിയെന്ന ജനകീയ നേതാവിൻ്റെ നിര്യാണം തീരാനഷ്ടമെന്ന് കോട്ടയം അതിരൂപതാ മെത്രാപ്പോലീത്ത മാര്‍ മാത്യു മൂലക്കാട്ട് അനുശോചന സന്ദേശത്തില്‍ അറിയിച്ചു. എല്ലാ വിഭാഗം ജനങ്ങള്‍ക്കും പ്രത്യേകിച്ച് സാധാരണക്കാര്‍ക്കും കര്‍ഷകര്‍ക്കും പിന്നോക്കാവസ്ഥയിലുള്ളവര്‍ക്കുമായി അദ്ദേഹം ചെയ്തിട്ടുള്ള സുപ്രധാന വികസന പ്രവര്‍ത്തനങ്ങള്‍ എക്കാലത്തും അവിസ്മരണീയമാണ്. മികവുറ്റ ഭരണാധികാരിയായും രാഷ്ട്രീയ നേതാവായും സഭാസ്‌നേഹിയായും തിളങ്ങിയ അദ്ദേഹം വ്യക്തിബന്ധങ്ങളില്‍ പുലര്‍ത്തിയ സവിശേഷ കരുതല്‍ അദ്ദേഹത്തെ കൂടുതല്‍ ജനപ്രിയ നായകനായി ഉയര്‍ത്തി. കോട്ടയം അതിരൂപതയുടെയും ക്‌നാനായ സമുദായത്തിൻ്റെയും വളര്‍ച്ചയ്ക്ക് അദ്ദേഹം നല്‍കിയിട്ടുള്ള വലിയ സംഭാവനകള്‍ നന്ദിയോടെ കോട്ടയം അതിരൂപത അനുസ്മരിക്കുന്നു. അദ്ദേഹത്തിൻ്റെ ആത്മശാന്തിക്കായി പ്രാര്‍ത്ഥിക്കുകയും കുടുംബാംഗങ്ങളെ അതിരൂപതയുടെ അനുശോചനം അറിയിക്കുകയും ചെയ്യുന്നു.
Bishop's Message
Corehub Solutions Pvt. Ltd