We appreciate that you have taken the time to write us. We will get back to you very soon. Please come back and see us often.
|
Follow Us
|
Message To
|
Write Us
|
Progressing
Syro Malabar04/06/2026
പാരീസ്: കത്തോലിക്കാ സഭയിലെ കുമ്പസാര രഹസ്യങ്ങള് വെളിപ്പെടുത്താന് വൈദികരെ നിര്ബന്ധിതരാക്കുന്ന വിവാദ നിയമനിര്മാണത്തില് നിന്ന് ഫ്രാന്സ് പിന്മാറി. കുട്ടികളുടെ സുരക്ഷ മുന്നിര്ത്തി ഫ്രാന്സ് നിയമനിര്മാണസഭ കൊണ്ടുവരുന്ന ബില്ലില് ആഴ്ചകളായി തുടര്ന്നുവന്ന കടുത്ത വാദപ്രതിവാദങ്ങള്ക്കൊടുവിലാണ് പാര്ലമെന്റ് അംഗങ്ങള് ഈ നിര്ദേശം ബില്ലില് നിന്ന് ഒഴിവാക്കിയത്. അതേസമയം, കുട്ടികളുടെ സംരക്ഷണം ഉറപ്പാക്കുന്ന വിപുലമായ മറ്റു നിര്ദേശങ്ങളടങ്ങിയ ബില് ഫ്രഞ്ച് പാര്ലമെന്റ് ഐകകണ്ഠേന പാസാക്കി.
കുമ്പസാര രഹസ്യം കാത്തുസൂക്ഷിക്കുന്നത് വൈദികര്ക്ക് ലഭിക്കുന്ന ഒരു പ്രത്യേക ആനുകൂല്യമല്ലെന്നും, മറിച്ച് വിശ്വാസികളുടെ പവിത്രമായ അവകാശമാണെന്നും സഭാ നേതൃത്വം നേരത്തെ വ്യക്തമാക്കിയിരുന്നു. കുമ്പസാര രഹസ്യം സംരക്ഷിക്കുന്നതിനൊപ്പം തന്നെ, കുട്ടികളെ അതിക്രമങ്ങളില് നിന്ന് സംരക്ഷിക്കുന്നതിലും ഇരകള്ക്ക് പിന്തുണ നല്കുന്നതിലും തങ്ങള് പ്രതിജ്ഞാബദ്ധരാണെന്ന് ഫ്രഞ്ച് മെത്രാന് സമിതി വ്യക്തമാക്കി. സിവില് അധികാരികളുമായി സഭ എപ്പോഴും സഹകരിക്കുമെന്നും എന്നാല് അത് കുമ്പസാരത്തിന് പുറത്തുള്ള കാര്യങ്ങളിലായിരിക്കുമെന്നും ബിഷപ്പുമാര് ചൂണ്ടിക്കാട്ടി. കുമ്പസാരത്തിന്റെ രഹസ്യാത്മകത നിലനിര്ത്തുന്നത് മതസ്വാതന്ത്ര്യത്തിന് അനിവാര്യമാണെന്നും സഭയുടെ ഏറ്റവും പവിത്രമായ കൂദാശയുടെ നിലനില്പ്പിന് ഇത് അത്യാവശ്യമാണെന്നുമുള്ള സഭയുടെ വാദം ഫ്രഞ്ച് നിയമനിര്മാതാക്കള് അംഗീകരിക്കുകയായിരുന്നു.
Bishop's Message
Corehub Solutions Pvt. Ltd