Syro Malabar

22/11/2024

മുനമ്പം ജനതയ്ക്ക് ചെറുപുഷ്പ മിഷൻ ലീഗ് പിന്തുണ നൽകി

മുനമ്പം: വഖഫ് ഭൂമി പ്രശ്നത്തിൽ നീറുന്ന മുനമ്പം ജനതയ്ക്ക് ചെറുപുഷ്പ മിഷൻ ലീഗ് കുടുംബം പിന്തുണയും ഐക്യദാർഢ്യവും പ്രഖ്യാപിച്ചു. മുനമ്പത്തെ ഭൂമി പ്രശ്നത്തിൽ പ്രതിഷേധിച്ച് 39 ദിവസമായി നിരാഹാര സമരത്തിലായിരിക്കുന്ന മുനമ്പം നിവാസികൾക്ക് ചെറുപുഷ്പ മിഷൻ ലീഗ് ദേശീയ സമിതിയുടെ നേതൃത്വത്തിൽ സംസ്ഥാന ദേശീയ അന്തർദേശീയ പ്രതിനിധികൾ സമരപ്പന്തലിൽ എത്തി ഐക്യദാർഢ്യം പിന്തുണയും പ്രഖ്യാപിച്ചു. അന്തർദേശീയ പ്രസിഡൻ്റ് ശ്രീ ഡേവിസ് വല്ലൂരാൻ, ദേശീയ പ്രസിഡൻ്റ് ശ്രീ സുജി പുല്ലുകാട്ട്, അന്തർദേശീയ ജനറൽ സെക്രട്ടറി ശ്രീ ബിനോയ് പള്ളിപ്പറമ്പിൽ, ദേശീയ റീജണൽ ഓർഗനൈസർ ശ്രീ ബെന്നി മുത്തനാട്ട്, ദേശീയ സമിതി അംഗങ്ങളായ ശ്രീ ബേബി പ്ലാശേരി, ശ്രീ ഷിനോ മോളത്ത്, വിവിധ രൂപതാ പ്രതിനിധികൾ തുടങ്ങിയവർ സമരത്തിന് പിന്തുണ നൽകി സംസാരിച്ചു.