We appreciate that you have taken the time to write us. We will get back to you very soon. Please come back and see us often.
|
Follow Us
|
Message To
|
Write Us
|
Progressing
Syro Malabar08/09/2023
ദുബായ്: യുഎഇയിൽ ശക്തിപ്പെട്ടു വരുന്ന കത്തോലിക്ക കോൺഗ്രസ് അർഹതപ്പെട്ടവർക്ക് സഹായഹസ്തമായി പ്രവർത്തിക്കുമെന്ന് ബിഷപ് മാർ റെമിജിയൂസ് ഇഞ്ചനാനിയിൽ. ദുബായ് സെന്‍റ് മേരീസ് പള്ളിയിൽ കത്തോലിക്കാ കോൺഗ്രസിന്‍റെ നേതൃത്വത്തിൽ നടന്ന ലൈഫ് അംഗത്വ കാമ്പയിൻ സർട്ടിഫിക്കറ്റ് വിതരണവും പൊതുസമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം.
യുഎഇയിലെ കത്തോലിക്കാ കോൺഗ്രസ് ഘടകങ്ങൾ നടത്തുന്ന ജോബ് പോർട്ടൽ, ബോഡി റീപാട്രിയേഷൻ എന്നീ കെയർ യൂണിറ്റുകൾ മാതൃകാപരമാണെന്നും ബിഷപ് പറഞ്ഞു. മുന്നൂറോളം അംഗങ്ങൾ ലൈഫ് മെമ്പർഷിപ് സർട്ടിഫിക്കറ്റുകൾ ബിഷപ്പിൽനിന്ന് ഏറ്റുവാങ്ങി.
സംഘടനാ പ്രവർത്തങ്ങളിൽ 25 വർഷം പൂർത്തീകരിച്ച ഗ്ലോബൽ പ്രസിഡന്‍റ് അഡ്വ. ബിജു പറയന്നിലത്തെ ചടങ്ങിൽ ആദരിച്ചു. യുഎഇ കത്തോലിക്കാ കോൺഗ്രസ് പ്രസിഡന്‍റ് അഡ്വ. ബെന്നി മാത്യു അധ്യക്ഷത വഹിച്ചു.
ഗ്ലോബൽ സെക്രട്ടറി രഞ്ജിത് ജോസഫ്, ഫാ. വർഗീസ് കോഴിപ്പാടൻ, രാജീവ്‌ ഏബ്രഹാം, ജോസ് ആന്‍റണി, കെ.ഡി. രജീഷ്, സണ്ണി ജോൺ, മാത്യു പോൾ, മനോജ് തോമസ്, ജോസഫ് കുഞ്ഞ്, റോണി മാത്യു, ദീപു സെബാസ്റ്റ്യൻ എന്നിവർ പ്രസംഗിച്ചു.
Bishop's Message
Corehub Solutions Pvt. Ltd