We appreciate that you have taken the time to write us. We will get back to you very soon. Please come back and see us often.
|
Follow Us
|
Message To
|
Write Us
|
Progressing
Syro Malabar10/07/2026
വത്തിക്കാന് സിറ്റി: പ്രമുഖ ഇറ്റാലിയന് വാഹന നിര്മാതാക്കളായ ഫിയറ്റ് വത്തിക്കാന് സിറ്റി സ്റ്റേറ്റിലെ ജീവനക്കാരുടെ ദൈനംദിന ആവശ്യങ്ങള്ക്കായി 30 അത്യാധുനിക ഇലക്ട്രിക് വാഹനങ്ങള് നല്കുന്നു. പരിസ്ഥിതി സൗഹൃദപരമായ യാത്രാസൗകര്യങ്ങള് പ്രോത്സാഹിപ്പിക്കുന്നതിനും കാര്ബണ് മലിനീകരണം കുറയ്ക്കുന്നതിനുമായി വത്തിക്കാന് ഗവര്ണറേറ്റ് 2023-ല് തുടക്കംകുറിച്ച ‘ഇക്കോളജിക്കല് കണ്വേര്ഷന് 2030’ എന്ന സുസ്ഥിരതാ പദ്ധതിക്ക് ഈ നടപടി കരുത്ത് പകരും. ഈ പതിറ്റാണ്ടിന്റെ അവസാനത്തോടെ വത്തിക്കാന്റെ ഔദ്യോഗിക വാഹന വ്യൂഹത്തെ പൂര്ണമായും കാര്ബണ്രഹിതമാക്കാന് ഈ പദ്ധതിയിലൂടെ ലക്ഷ്യമിടുന്നു.
പദ്ധതിയുടെ ആദ്യ ഘട്ടമായി 20 ‘ഫിയറ്റ് ടോപ്പൊലിനോ’ ഇലക്ട്രിക് കാറുകള് വത്തിക്കാന് കൈമാറി. ബാക്കി 10 വാഹനങ്ങള് ‘ഫിയറ്റ് ട്രിസ്’ മോഡലുകളാണ്. ഇവ കൂടി എത്തുന്നതോടെ വത്തിക്കാന്റെ ഹരിത വാഹന വ്യൂഹം കൂടുതല് കാര്യക്ഷമമാകും.
എന്നാല് കേവലം ഇലക്ട്രിക് വാഹനങ്ങളിലേക്കുള്ള മാറ്റം മാത്രമല്ല ഈ പദ്ധതി വിഭാവനം ചെയ്യുന്നത്. പ്രകൃതിവിഭവങ്ങളുടെ ഉത്തരവാദിത്വത്തോടെയുള്ള ഉപയോഗം, ഊര്ജ്ജ കാര്യക്ഷമത വര്ധിപ്പിക്കല് തുടങ്ങിയവയും ഇതില് ഉള്പ്പെടുന്നു. കൂടാതെ, മാലിന്യ സംസ്കരണ നയങ്ങള് ശക്തമാക്കാനും ഭാവിയില് വനവല്ക്കരണ പദ്ധതികള് നടപ്പിലാക്കാനും വത്തിക്കാന് ലക്ഷ്യമുണ്ട്. 2050 – ഓടെ നെറ്റ് സീറോ എമിഷന് ഉള്ള രാജ്യമായി മാറുക എന്ന ലക്ഷ്യത്തിലേക്കുള്ള ചുവടുവയ്പ്പുകളാണ് ഇപ്പോള് വത്തിക്കാന് നടത്തുന്നത്.
പരിസ്ഥിതി സൗഹൃദപരമമായ നയം പിന്തുടര്ന്നുകൊണ്ട് പരിസ്ഥിതി സംരക്ഷണത്തിലും മികച്ച ഭരണനിര്വഹണത്തിലും ലോകരാജ്യങ്ങള്ക്ക് ഒരു മാതൃകയായി മാറുകയാണ് വത്തിക്കാന് സിറ്റി സ്റ്റേറ്റ്.
Bishop's Message
Corehub Solutions Pvt. Ltd