Let us do the

Apply for various programs at the Space Institute.(29-08-2022)

So you can give your best WITHOUT CHANGE

സ്പേസ് ഇൻസ്റ്റിറ്റ്യുട്ടിൽ വിവിധ പ്രോഗ്രാമുകൾക്ക് അപേക്ഷിക്കാം.

തിരുവനന്തപുരം വലിയമലയിലുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി (ഐ.ഐ.എസ്.ടി.)യിൽ വിവിധ പ്രോഗ്രാമുകൾക്ക് അപേക്ഷിക്കാം.

പ്രോഗ്രാമുകൾ

ഏറോസ്പേസ് എൻജിനിയറിങ്, ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിങ് (ഏവിയോണിക്സ്) എന്നീ നാലുവർഷ ബി.ടെക്.; എൻജിനിയറിങ് ഫിസിക്സ് ബി. ടെക്.+മാസ്റ്റർ ഓഫ് സയൻസ്/എം. ടെക്. അഞ്ചുവർഷ ഡ്യുവൽ ഡിഗ്രി (ബി.ടെക്. കഴിഞ്ഞ് എക്സിറ്റ് ഓപ്ഷൻ ഇല്ല) എന്നീ പ്രോഗ്രാമുകളിലേക്കാണ് പ്രവേശനം. മാസ്റ്റർ ഓഫ് സയൻസ് -ആസ്ട്രോണമി ആൻഡ് ആസ്ട്രോ ഫിസിക്സ്, സോളിഡ് സ്റ്റേറ്റ് ഫിസിക്സ് എന്നിവയിലൊന്നിലും എം.ടെക്. -എർത്ത് സിസ്റ്റം സയൻസ്, ഒപ്റ്റിക്കൽ എൻജിനിയറിങ് എന്നിവയിലൊന്നിലും ആകാം.

യോഗ്യത

പ്ലസ് ടു തല യോഗ്യതാപരീക്ഷ അഞ്ചു വിഷയങ്ങൾക്ക് (ഫിസിക്സ്, കെമിസ്ട്രി, മാത്തമാറ്റിക്സ്, ഭാഷാവിഷയം, ഇവ നാലുമല്ലാത്ത വിഷയം) മൊത്തം 75 ശതമാനം മാർക്ക് വാങ്ങി (പട്ടിക/ഭിന്നശേഷിക്കാർക്ക് 65 ശതമാനം) ജയിച്ചിരിക്കണം.

2022-ലെ ജെ.ഇ.ഇ. (അഡ്വാൻസ്ഡ്) അഭിമുഖീകരിച്ചിരിക്കണം. അതിൽ കാറ്റഗറിയനുസരിച്ച്, മൊത്തത്തിലും ഫിസിക്സ്, കെമിസ്ട്രി, മാത്തമാറ്റിക്സ് എന്നിവയിൽ ഓരോന്നിലും യോഗ്യതാമാർക്ക് നേടേണ്ടതുണ്ട്. ജനറൽ വിഭാഗക്കാർക്ക് മൊത്തത്തിൽ 16-ഉം, വിഷയങ്ങൾക്ക് ഓരോന്നിനും നാലും ശതമാനം മാർക്ക് വേണം. ഒ.ബി.സി./ഇ.ഡബ്ല്യു. എസ്.-14.4 ശതമാനം, 3.6 ശതമാനം, പട്ടിക/ഭിന്നശേഷി വിഭാഗം- എട്ടു ശതമാനം, രണ്ടുശതമാനം. വിശദമായ യോഗ്യതാവ്യവസ്ഥകൾ WWW. list.ac.in/admissions/undergraduate -ലുള്ള യു.ജി. അഡ്മിഷൻ ബ്രോഷറിൽ ഉണ്ട്.

ട്യൂഷൻ ഫീസ്

രക്ഷിതാവിന്റെ വാർഷികവരുമാനം പരിഗണിച്ചാണ് സെമസ്റ്റർ ഫീസ്. പട്ടിക/ഭിന്നശേഷി വിഭാഗക്കാർക്കും ഒരുലക്ഷംരൂപയിൽ താഴെ കുടുംബ വരുമാനം ഉള്ളവർക്കും ട്യൂഷൻ ഫീസില്ല. ഒരുലക്ഷം മുതൽ അഞ്ചുല ക്ഷംവരെ വാർഷികവരുമാനമുള്ളവർക്ക് 20,850 രൂപയും അഞ്ചുലക്ഷ ത്തിൽ കൂടുതൽ വാർഷിക വരുമാ നമുള്ളവർക്ക് 62,500 രൂപയുമാണ് സെമസ്റ്റർ ട്യൂഷൻ ഫീസ്.

അപേക്ഷ

അപേക്ഷ admission.iist.ac.in വഴി സെപ്റ്റംബർ അഞ്ചിന് രാവിലെ 10 മണി മുതൽ സെപ്റ്റംബർ 19 ന് വൈകീട്ട് മൂന്നുവരെ നൽകാം. ബ്രാഞ്ച് താത്പര്യവും അപ്പോൾ നൽകണം.

രജിസ്റ്റർ ചെയ്യുന്നവരെ മാത്രമേ ജെ. ഇ. ഇ. (അഡ്വാൻസ്ഡ്) മാർക്ക് പരിഗണിച്ച് പ്രവേശനറാങ്കിങ്ങിനായി പരിഗണിക്കൂ. 20-ന് വൈകീട്ട് അഞ്ചിന് റാങ്ക് ലിസ്റ്റ് പ്രസിദ്ധപ്പെടുത്തും. സീറ്റ് അലോട്മെൻറ് നടപടികൾ 22 ന് തുടങ്ങും.