Let us do the

ഇന്നത്തെ തൊഴിൽ വാർത്തകൾ(02-05-2023)

So you can give your best WITHOUT CHANGE

ISRO: 206 ഒഴിവുള്ള തസ്തികകളിലേക്ക് അപേക്ഷ ക്ഷണിച്ചു

ഇന്ത്യൻ സ്പേസ് റിസർച്ച് ഓർഗനൈസേഷന്റെ വിവിധ കേന്ദ്രങ്ങളിൽ ഒഴിവുള്ള തസ്തികകളിലേക്ക് അപേക്ഷ ക്ഷണിച്ചു. തിരുവനന്തപുരത്തെ വിക്രം സാരാഭായ് സ്പേസ് സെന്ററിൽ 112 ഒഴിവും ശ്രീഹരിക്കോട്ടയിലെ സതീഷ് ധവാൻ സ്പേസ് സെന്റർ-94 ഒഴിവുമാണുള്ളത്. എല്ലാ തസ്തികകളിലും 18-35 വയസ്സാണ് പ്രായപരിധി. അപേക്ഷ ഓൺലൈനായി സമർപ്പിക്കണം. ഉയർന്ന പ്രായപരിധിയിൽ എസ്. സി, എസ്.ടി. വിഭാഗക്കാർക്ക് അഞ്ച് വർഷത്തെയും ഒ.ബി.സി. വിഭാഗക്കാർക്ക് മൂന്ന് വർഷത്തെയും ഇളവ് ലഭിക്കും. ഭിന്നശേഷിക്കാർക്കും വിമുക്തഭടന്മാർക്കും കായികതാരങ്ങൾക്കും നിയമാനുസൃതമുള്ള വയസ്സിളവ് ലഭിക്കും. വിശദവിവരങ്ങൾക്ക് www.app.sshar.gov.in  എന്ന വെബ്സൈറ്റ് കാണുക. അപേക്ഷ ഓൺലൈനായി സമർപ്പിക്കണം. അവസാന തീയതി: മേയ് 16.

RBI: ഓഫീസർ ഗ്രേഡ് ബി തസ്തികകളിലേക്ക് അപേക്ഷ ക്ഷണിച്ചു

മുംബൈയിലെ റിസർവ് ബാങ്ക് ഓഫ് ഇന്ത്യയിൽ ഓഫീസർ ഗ്രേഡ് ബി തസ്തികകളിലേക്ക് അപേക്ഷ ക്ഷണിച്ചു. മൂന്ന് വിഭാഗങ്ങളിലായി 291 ഒഴിവുണ്ട്. വിജ്ഞാപന നമ്പർ: 3/2023 24. ജനറൽ 222, ഡിപ്പാർട്ട്മെന്റ് ഓഫ് ഇക്കണോമിക് ആൻഡ് പോളിസി റിസർച്ച്-38, ഡിപ്പാർട്ട്മെന്റ് ഓഫ് സ്റ്റാറ്റിസ്റ്റിക്സ് ആൻഡ് ഇൻഫർമേഷൻ മാനേജ്മെന്റ് 31 എന്നിങ്ങനെയാണ് ഒഴിവുകൾ. വിശദവിവരങ്ങൾ മേയ് ഒൻപതിന് www.rbi.org.in  എന്ന വെബ്സൈറ്റിൽ പ്രസിദ്ധീകരിക്കും. അപേക്ഷ ഓൺലൈനായി സമർപ്പിക്കണം. അപേക്ഷ സ്വീകരിക്കുന്ന അവസാന തീയതി: ജൂൺ 9.