Let us do the

ഇന്നത്തെ തൊഴിൽ വാർത്തകൾ (17-03-2023)

So you can give your best WITHOUT CHANGE

ബിഎസ്എഫിൽ കോൺസ്റ്റബിൾ

ബോർഡർ സെക്യൂരിറ്റി ഫോഴ്സിൽ കോൺസ്റ്റബിൾ (ട്രേഡ്സ്മാൻ) തസ്തികകളിലേക്ക് അപേക്ഷ ക്ഷണിച്ചു. പുരുഷന്മാർക്ക് 1,220 ഒഴിവും വനിതകൾക്ക് 64 ഒഴിവുമാണുള്ളത്. ശമ്പളം: 21,700- 69,100 രൂപ. യോഗ്യത: പത്താംക്ലാസ്/തത്തുല്യമാണ് അടിസ്ഥാന യോഗ്യത. പ്രായം: 18- 25 വയസ്. അപേക്ഷ സ്വീകരിക്കുന്ന അവസാന തീയതി അടിസ്ഥാനമാക്കിയാണ് പ്രായം കണക്കാക്കുക. എസ്സി, എസ്ടി, ഒബിസി ഉൾപ്പെടെ അർഹരായ വിഭാഗക്കാർക്ക് നിയമാനുസൃത വയസിളവ് ലഭിക്കും. ഓൺലൈനായാണ് അപേക്ഷിക്കേണ്ടത്. വിജ്ഞാപനം വെബ്സൈറ്റിൽ ലഭിക്കും https://rectt.bsf.gov.in/

ലോക് സഭയിൽ 13 ഇന്റർപ്രട്ടർ

ലോക് സഭാ സെക്രട്ടേറിയറ്റിൽ പാർലമെന്ററി ഇന്റർപ്രട്ടർ തസ്തികയിലെ 13 ഒഴിവുകളിലേക്ക് അപേക്ഷ ക്ഷണിച്ചു. ഇംഗ്ലീഷ് ഹിന്ദിയിൽ എട്ട് ഒഴിവും റീജണൽ ലാംഗ്വേജ് സ്ട്രീമിൽ അഞ്ച് ഒഴിവുമാണ് ഉള്ളത്. കാഷ്മീരി, കൊങ്കണി, ദോഗ്രി, സന്താലി, സിന്ധി എന്നിവയിലാണ് റീജണൽ ലാംഗ്വേജ് ഒഴിവുകൾ. ശമ്പളം: 56,100- 1,77,500 രൂപ. പ്രായം: 35 വയസ് കവിയരുത്. സംവരണ വിഭാഗക്കാർക്ക് നിയമാനുസൃത വയസിളവ് ലഭിക്കും. ഓൺലൈനായി അപേക്ഷ സമർപ്പിക്കണം. അപേക്ഷ സ്വീകരിക്കുന്ന അവസാന തീയതി ഏപ്രിൽ മൂന്ന്. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക https://loksabha.nic.in/