Let us do the

Exam Notification-[28-03-2022]

So you can give your best WITHOUT CHANGE

ഫോറിന്‍ മെഡിക്കല്‍ ഗ്രാജ്വേറ്റ് എക്‌സാമിനേഷന്‍: അപേക്ഷ ഏപ്രില്‍ നാലുവരെ

വിദേശത്തുനിന്ന് പ്രാഥമിക മെഡിക്കല്‍ ബിരുദമെടുത്ത ഇന്ത്യക്കാര്‍ക്കായി നാഷണല്‍ ബോര്‍ഡ് ഓഫ് എക്‌സാമിനേഷന്‍സ് ഇന്‍ മെഡിക്കല്‍ സയന്‍സസ് നടത്തുന്ന ഫോറിന്‍ മെഡിക്കല്‍ ഗ്രാജ്വേറ്റ് എക്‌സാമിനേഷന്‍ (എഫ്.എം.ജി.ഇ.) ജൂണ്‍ സെഷനിലെ സ്‌ക്രീനിങ് ടെസ്റ്റിന് അപേക്ഷിക്കാം.2002ലെ സ്‌ക്രീനിങ് ടെസ്റ്റ് റെഗുലേഷന്‍സ് പ്രകാരം 2002 മാര്‍ച്ച് 15നോ ശേഷമോ ഇന്ത്യയ്ക്കു പുറത്തുള്ള ഒരു മെഡിക്കല്‍സ്ഥാപനത്തില്‍നിന്ന് മെഡിക്കല്‍ ബിരുദം നേടിയ ഭാരതീയര്‍/ഓവര്‍സീസ് സിറ്റിസണ്‍ ഓഫ് ഇന്ത്യ വിഭാഗക്കാര്‍ക്ക് ഇന്ത്യന്‍ മെഡിക്കല്‍ കൗണ്‍സിലിന്റെയോ ഏതെങ്കിലും സംസ്ഥാന മെഡിക്കല്‍ കൗണ്‍സിലിന്റെയോ രജിസ്‌ട്രേഷന്‍ ലഭിക്കാന്‍ സ്‌ക്രീനിങ് ടെസ്റ്റ് യോഗ്യത നേടണം.
2022 ജൂണ്‍ നാലിനു നടത്തുന്ന പരീക്ഷയ്ക്ക്, രണ്ടുഭാഗങ്ങളിലായി ഒരുമാര്‍ക്കു വീതമുള്ള മൊത്തം 300 മള്‍ട്ടിപ്പിള്‍ ചോയ്‌സ് ചോദ്യമുള്ള ഒരു പേപ്പറാണുള്ളത് (150 ചോദ്യങ്ങള്‍ വീതം). രണ്ടരമണിക്കൂര്‍വീതം ദൈര്‍ഘ്യമുള്ള രണ്ടുസെഷനുകളിലായി പരീക്ഷ നടത്തും. ചോദ്യങ്ങള്‍ ഇംഗ്ലീഷിലായിരിക്കും. 300ല്‍ 150 മാര്‍ക്ക് നേടുന്ന വര്‍ യോഗ്യത നേടിയതായി കണക്കാക്കും. കേരളത്തില്‍ എറണാകുളം, കണ്ണൂര്‍, കൊല്ലം, കോട്ടയം, കോഴിക്കോട്, തിരുവനന്തപുരം, തൃശ്ശൂര്‍ എന്നിവ പരീക്ഷാകേന്ദ്രങ്ങളാണ്. അപേക്ഷ https://www.nbe.edu.in/ വഴി ഏപ്രില്‍ നാലുവരെ നല്‍കാം. ഫലപ്രഖ്യാപനം ജൂണ്‍ 30നകം പ്രതീക്ഷിക്കാം.