Let us do the

C-DAC PG Diploma: Online Application till 18th January (31-12-2022)

So you can give your best WITHOUT CHANGE

സി-ഡാക് പിജി ഡിപ്ലോമ: ഓൺലൈൻ അപേക്ഷ ജനുവരി 18 വരെ

കേന്ദ്ര ഇലക്ട്രോണിക്സ് ഐടി മന്ത്രാലയത്തിന്റെ നിയന്ത്രണത്തിലുള്ള ശാസ്ത്ര ഗവേഷണ വികസന കേന്ദ്രമായ "സി-ഡാക് (സെന്റർ ഫോർ ഡവലപ്മെന്റ് ഓഫ് അഡ്വാൻസ്ഡ് കംപ്യൂട്ടിങ്) നടത്തുന്ന പിജി പ്രോഗ്രാമുകളിലേക്ക് ഇപ്പോൾ അപേക്ഷിക്കാം. തിരുവനന്തപുരവും കൊച്ചിയും അടക്കം 12 കേന്ദ്രങ്ങളിൽ ഓൺലൈനായും ബെംഗളൂരു, ചെന്നൈ അടക്കം 24 കേന്ദ്രങ്ങളിൽ ക്ലാസ് മുറിയിലൂടെ നേരിട്ടും 14 പിജി ഡിപ്ലോമ പ്രോഗ്രാമുകളാണു നടത്തുന്നത്. 900 മണിക്കൂർ (24 ആഴ്ച) നീണ്ടുനിൽക്കുന്ന പൂർണസമയ പ്രോഗ്രാമുകളാണ് ഇവ. ഏതെല്ലാം പ്രോഗ്രാമുകൾ ഓരോ കേന്ദ്രത്തിലുമുണ്ടെന്ന് അഡ്മിഷൻ ബുക്ലെറ്റിലുണ്ട്. പ്രവേശനത്തിന് ജനുവരി 18 വരെ ഓൺലൈൻ അപേക്ഷ സ്വീകരിക്കും. കോഴ്സ് പൂർത്തിയാക്കി, ജൂലൈ / ഓഗസ്റ്റിൽ നടത്തുന്ന ഫൈനൽ പരീക്ഷയെഴുതാൻ നേരിട്ടു ചെല്ലണം.സംശയപരിഹാരത്തിന് ഫോൺ: തിരുവനന്തപുരം -8547882754, stdc@cdac.in; കൊച്ചി 9447247984, stdckochi@cdac.in. പ്രായപരിധിയില്ല. 2023 ജൂൺ 30ന് എങ്കിലും പരീക്ഷാഫലം ഹാജരാക്കിയാൽ മതി. പ്രോഗ്രാമിന്റെ ഭാഗമായി ലാബും പ്രോജക്ടുമുണ്ട്. ക്ലാസുകൾ 2023 മാർ ച്ച് 17 മുതൽ ഓഗസ്റ്റ് 31 വരെ. ക്ലാസ് റൂം പഠനക്കാർക്ക് അതതു കേന്ദ്രത്തിൽ പരീക്ഷയെഴുതാം. ഓൺലൈൻ പഠനക്കാർക്ക് പരീക്ഷാകേന്ദ്രം തിരഞ്ഞെടുക്കാനുള്ള ലിസ്റ്റ് പ്രസിദ്ധപ്പെടുത്തും. എൻട്രൻസ് ടെസ്റ്റ് കംപ്യൂട്ടർ ഉപയോഗിച്ചുള്ള സി-സാറ്റ് (സി-ഡാക്സ് കോമൺ അഡ്മിഷൻ ടെസ്റ്റ്) ജനുവരി 28, 29 തീയതികളിൽ നേരിട്ടെത്തി എഴുതണം. തിരുവനന്തപുരവും കൊച്ചിയുമടക്കം 32 പരീക്ഷാകേന്ദ്രങ്ങളുണ്ട്. സി-സാറ്റ് റാങ്ക് നോക്കിയാണ് സിലക്ഷൻ. ടെസ്റ്റിന് ഓൺലൈനായി അപേക്ഷിക്കണം. 1550 രൂപ പരീക്ഷാ ഫീ അടയ്ക്കണം. കൂടുതൽ വിവരങ്ങൾക്ക് www.cdac.in / acts.cdac.in.