Let us do the

Navodaya 6th Class Admission Applications Invited (06-01-2023)

So you can give your best WITHOUT CHANGE

നവോദയ ആറാം ക്ലാസ് പ്രവേശനം അപേക്ഷ ക്ഷണിച്ചു

നവോദയ വിദ്യാലയത്തിൽ ആറാം ക്ലാസ് പ്രവേശനത്തിന് അപേക്ഷ ക്ഷണിച്ചു. 01.05.2011 നും 30.04.2013 നും ഇടയിൽ ജനിച്ച, ഈ അധ്യയന വർഷത്തിൽ അഞ്ചാം ക്ലാസിൽ പഠിക്കുന്ന കുട്ടികൾക്ക് അപേക്ഷിക്കാം. ജനുവരി 31 ആണ് ഓൺലൈൻ അപേക്ഷ സമർപ്പിക്കാനുള്ള അവസാന തീയതി. നവോദയ സ്കൂളുകളിൽ 6 മുതൽ 12 വരെ ക്ലാസുകളിൽ സിബിഎസ്ഇ സിലബസ് അനുസരിച്ചാണു പഠനം. സ്കൂൾ ക്യാംപസിൽ താമസിച്ചു തന്നെ പഠിക്കണം. പഠനം, താമസം, ഭക്ഷണം, യൂണിഫോം, പാഠപുസ്തകങ്ങൾ എന്നിവ സൗജന്യം. 9-12 ക്ലാസുകളിലെ കുട്ടികൾ മാത്രം 600 രൂപ പ്രതിമാസ ഫീസ് നൽകണം. ദാരിദ്ര്യരേഖയ്ക്കു താഴെയുള്ളവർ, പെൺകുട്ടികൾ, പട്ടികവിഭാഗക്കാർ എന്നിവർ ഈ ഫീസും നൽകേണ്ട. സർക്കാർ ഉദ്യോഗസ്ഥരുടെ കുട്ടികൾ (ഫീസിളവിന് അർഹതയില്ലാത്തവർ) പ്രതിമാസം 1500 രൂപ വരെ നൽകേണ്ടിവരാം. ഏപ്രിൽ 29നു 11.30 മുതൽ നടത്തുന്ന ടെസ്റ്റിലെ പ്രകടനം ആധാരമാക്കിയാണ് സിലക്ഷൻ. തെറ്റിനു മാർക്ക് കുറയ്ക്കില്ല. അഞ്ചാം ക്ലാസിൽ കുട്ടി പഠിച്ച ഭാഷയിൽ പരീക്ഷയെഴുതാം. ഫലം ജൂണിൽ വരും. ഈ പരീക്ഷ ഒരു പ്രാവശ്യം മാത്രമേ എഴുതാൻ അനുവാദമുള്ളൂ. ടെസ്റ്റിലെ ചോദ്യമാതൃകകൾ ഉൾപ്പെടെ കൂടുതൽ വിവരങ്ങൾക്കു പ്രോസ്പെക്ടസ് നോക്കാം. ഫോമും പ്രോസ്പെക്ടസും വെബ്സൈറ്റിൽനിന്നു ഡൗൺലോഡ് ചെയ്യാം https://navodaya.gov.in/