Let us do the

ഇന്നത്തെ തൊഴിൽ വാർത്തകൾ (15-01-2024)

So you can give your best WITHOUT CHANGE

ബാർക്കിൽ പരിശീലനവും സയന്റിസ്‌റ്റ് നിയമനവും: 30 വരെ ഓൺലൈനായി റജിസ്ട്രേഷൻ ചെയ്യാം

 കേന്ദ്ര അണുശക്തിവകുപ്പിൻ്റെ നിയന്ത്രണത്തിലുള്ള ഭാഭ അറ്റോമിക് റിസർച് സെന്റർ (ബാർക്) നടപ്പാക്കുന്ന സയൻസ്/എൻജിനീയറിങ്/ടെക്നോളജി പരിശീലനത്തിനും തുടർന്ന് സയന്റിഫിക് ഓഫിസർ നിയമനത്തിനും 2 സ്കീമുകളിൽ 30 വരെ ഓൺലൈൻ റജിസ്ട്രേഷൻ ചെയ്യാം. കൂടുതൽ വിവരങ്ങൾക്ക്: www.barcocesexam.in.

DSSSB: 8571 അവസരങ്ങൾ

ഡൽഹി സർക്കാരിന് കീഴിലുള്ള വിവിധ ഡിപ്പാർട്ട്മെന്റുകളിലേക്കും പ്രാദേശിക/സ്വയംഭരണ സ്ഥാപനങ്ങളിലേക്കും ഡൽഹി സബോർഡിനേറ്റ് സർവീസ് സെലക്ഷൻ ബോർഡ് അപേക്ഷ ക്ഷണിച്ചു. വിവിധ തസ്തികകളിലായി 8,571 ഒഴിവുണ്ട്. 1/2024 മുതൽ 4/2024 വരെയുള്ള വിജ്ഞാപനങ്ങളിലായാണ് അപേക്ഷ ക്ഷണിച്ചിരിക്കുന്നത്. ഗ്രാജുവേറ്റ് ടീച്ചർ, നഴ്‌സിങ് സ്റ്റാഫ്, പേഴ്സ‌ണൽ അസിസ്റ്റൻ്റ് ഉൾപ്പെടെയുള്ള തസ്തികകളിലാണ് അപേക്ഷ ക്ഷണിച്ചിരിക്കുന്നത്. അപേക്ഷ സ്വീകരിച്ചുതുടങ്ങുന്ന തീയതി: ഫെബ്രുവരി 13. അവസാന തീയതി: മാർച്ച് 13. കൂടുതൽ വിവരങ്ങൾക്ക്: www.dsssbonline.nic.in  

നേവിയിൽ പ്ലസ്ടു എൻട്രി: 35 ഒഴിവുകൾ

ഇന്ത്യൻ നേവിയുടെ എക്സിക്യൂട്ടീവ് ആൻഡ് ടെക്നിക്കൽ ബ്രാഞ്ചിൽ പ്ലസ്ടു (ബിടെക്) കേഡറ്റ് എൻട്രി സ്കീമിലൂടെ പ്രവേശനം. 35 ഒഴിവ്. അപേക്ഷകർ അവിവാഹിതരാകണം. ജെഇഇ മെയിൻ 2023 (ബിഇ/ബിടെക്) ഓൾ ഇന്ത്യ കോമൺ റാങ്ക് ലിസ്റ്റ് അടിസ്ഥാനമാക്കിയാണു തിരഞ്ഞെടുപ്പ്. ജനുവരി 20 വരെ ഓൺലൈനായി അപേക്ഷിക്കാം. തിരഞ്ഞെടുക്കപ്പെടുന്നവർക്ക് ഏഴിമല നാവിക അക്കാദമിയിൽ ജൂലൈയിൽ ആരംഭിക്കുന്ന നാലു വർഷ ബിടെക് കോഴ്സിലാണു പ്രവേശനം. കൂടുതൽ വിവരങ്ങൾക്ക്: www.joinindiannavy.gov.in 

സെയിലിൽ 80 ഒഴിവുകൾ

സ്റ്റീൽ അതോറിറ്റി ഓഫ് ഇന്ത്യയിൽ എക്‌സിക്യുട്ടീവ്, നോൺ എക്സിക്യൂട്ടീവ് തസ്തികകളിലേക്ക് അപേക്ഷ ക്ഷണിച്ചു. 80 ഒഴിവുണ്ട്. പശ്ചിമ ബംഗാളിലെ ദുർഗാപുർ സ്റ്റീൽ പ്ലാൻ്റിലാണ് ഒഴിവ്. അപേക്ഷാഫീസ് ഉൾപ്പെടെയുള്ള വിശദവിവരങ്ങൾക്ക് www.sail.co.in  എന്ന വെബ്സൈറ്റ് സന്ദർശിക്കുക