Let us do the

Integrated PG Application Invited in MG (23-02-2023)

So you can give your best WITHOUT CHANGE

എംജിയിൽ ഇന്റഗ്രേറ്റഡ് പിജി അപേക്ഷ ക്ഷണിച്ചു

എംജി സർവകലാശാലയിൽ സയൻസ്, സോഷ്യൽ സയൻസ് സ്ട്രീമുകളിൽ ഇന്റഗ്രേറ്റഡ് പിജി പ്രവേശനത്തിനു മാർച്ച് 1 വരെ അപേക്ഷിക്കാം. പ്ലസ് ടുവിന് 60% മാർക്ക് വേണം. ഈ വർഷം പരീക്ഷയെഴുതുന്നവർക്കും അപേക്ഷിക്കാം. മേയ് 6,7 തീയതികളിലാണ് പൊതു പ്രവേശനപരീക്ഷ. ഇന്റഗ്രേറ്റഡ് എംഎസ്സി സ്ട്രീമിൽ കെമിസ്ട്രി, ഫിസിക്സ്, ലൈഫ് സയൻസ്, കംപ്യൂട്ടർ സയൻസ്, എൻവയൺമെന്റൽ സയൻസ് എന്നീ വിഷയങ്ങളിൽ 6 സീറ്റ് വീതമുണ്ട്. ആദ്യ 3 സെമസ്റ്ററുകളിൽ മാത്സ് ഉൾപ്പെടെ എല്ലാ സയൻസ് വിഷയങ്ങളും അടിസ്ഥാന കോഴ്സുകളായി പഠിക്കുന്നതിനോടൊപ്പം സോഷ്യൽ സയൻസ്, ഹ്യുമാനിറ്റീസ് എന്നിവ പ്രത്യേകമായി തിരഞ്ഞെടുത്തു പഠിക്കാം. 3 സെമസ്റ്ററുകളിലെ കോമൺ കോഴ്സുകൾ പൂർത്തിയാക്കിയശേഷം ആവശ്യമെങ്കിൽ ബ്രാഞ്ച് മാറാം. ഇന്റഗ്രേറ്റഡ് മാസ്റ്റേഴ്സ് ഇൻ സോഷ്യൽ സയൻസസ് സ്ട്രീമിൽ ഇക്കണോമിക്സ്, പൊളിറ്റിക്കൽ സയൻസസ്, ഹിസ്റ്ററി എന്നീ വിഷയങ്ങളിൽ 10 സീറ്റ് വീതമുണ്ട്. ഡിഗ്രിക്കുശേഷം ആവശ്യമെങ്കിൽ എക്സിറ്റ് അനുവദിക്കും. വിശദ വിവരങ്ങൾക്ക് വെബ്സൈറ്റ് സന്ദർശിക്കുക https://cat.mgu.ac.in/