Let us do the

Engineering admission from 1st July (20-06-2023)

So you can give your best WITHOUT CHANGE

എൻജിനിയറിങ് പ്രവേശനം ജൂലൈ 1 മുതൽ

എൻജിനിയറിങ് പ്രവേശന നടപടികൾ ജൂലായ് ഒന്നിന് ആരംഭിക്കുമെന്ന് പ്രവേശനപരീക്ഷാ കമ്മിഷണർ അരുൺ കെ. വിജയൻ അറിയിച്ചു. റാങ്ക് ലിസ്റ്റ് അടിസ്ഥാനമാക്കിയുള്ള കാറ്റഗറി കമ്യൂണിറ്റി പട്ടിക പിന്നീട് പ്രസിദ്ധീകരിക്കും. റാങ്ക് ലിസ്റ്റിലുണ്ടെന്ന കാരണത്താൽമാത്രം ഒരു വിദ്യാർഥി പ്രവേശനത്തിന് അർഹത നേടുന്നില്ല. പ്രൊഫഷണൽ ഡിഗ്രി പ്രവേശനത്തിന് പ്രോസ്പെക്ടസ് പ്രകാരമുള്ള യോഗ്യതാ മാനദണ്ഡങ്ങൾ വിദ്യാർഥി തൃപ്തിപ്പെടുത്തണം. പ്രവേശനസമയത്ത് നിശ്ചിത വിദ്യാഭ്യാസ യോഗ്യത നേടിയിരിക്കണം. ഇതു പ്രവേശനവേളയിൽ കോളേജ് അധികൃതർ പരിശോധിക്കും. എൻജിനിയറിങ് റാങ്ക് ലിസ്റ്റ് തയ്യാറാക്കാൻ പരിഗണിക്കപ്പെട്ട യോഗ്യതാപരീക്ഷയിലെ മാർക്കും പ്രവേശനവേളയിൽ കോളേജ് അധികൃതർ പരിശോധിക്കണം. സമർപ്പിക്കപ്പെട്ട മാർക്കുവിവരങ്ങളിൽ എന്തെങ്കിലും വ്യത്യാസം കണ്ടെത്തിയാൽ പ്രവേശന നടപടി റദ്ദാക്കുമെന്നും കമ്മിഷണർ വ്യക്തമാക്കി. വിവരങ്ങൾക്ക്: www.cee.kerala.gov.in