Let us do the

ഇന്നത്തെ തൊഴിൽ വാർത്തകൾ (20-01-2025)

So you can give your best WITHOUT CHANGE

DFCCIL: 642 എക്സിക്യുട്ടീവ്, എം.ടി.എസ്: ഒഴിവുകൾ

റെയിൽവേ മന്ത്രാലയത്തിന് കീഴിലുള്ള സ്ഥാപനമായ ഡെഡിക്കേറ്റഡ് ഫ്രെറ്റ് കോറിഡോർ കോർപ്പറേഷൻ ഓഫ് ഇന്ത്യ ലിമിറ്റഡിൽ (ഡി.എഫ്.സി.സി.ഐ .എൽ.) വിവിധ തസ്തികകളിലേക്ക് അപേക്ഷ ക്ഷണിച്ചു. ജൂനിയർ മാനേജർ, എക്സിക്യുട്ടീവ്, മൾട്ടി ടാസ്കിങ് സ്റ്റാഫ് എന്നീ തസ്തികകളിലായി 642 ഒഴിവിലേക്കാണ് വിജ്ഞാപനം. തിരഞ്ഞെടുപ്പിനായി നടത്തുന്ന കംപ്യൂട്ടർ അധിഷ്ഠിത പരീക്ഷയ്ക്ക് തിരുവനന്തപുരത്തും കേന്ദ്രമുണ്ടാകും. ഓൺലൈനായി അപേക്ഷിക്കണം. അപേക്ഷയോടൊപ്പം ഫോട്ടോയും ഒപ്പും വിരലടയാളവും സർട്ടിഫിക്കറ്റുകളും അപ്ലോഡ് ചെയ്യണം. വിശദവിവരങ്ങൾക്കും അപേക്ഷിക്കുന്നതിനും https://dfccil.com  എന്ന വെബ്സൈറ്റ് സന്ദർശിക്കുക. അവസാന തീയതി: ഫെബ്രുവരി 16.

ഭാരത് ഇലക്ട്രോണിക്സിൽ 48 എൻജിനീയർ  ഒഴിവുകൾ

കേന്ദ്രപൊതുമേഖലാ സ്ഥാപനമായ ഭാരത് ഇലക്ട്രോണിക്സിൽ എൻജിനീയർ തസ്തികകളിലേക്ക് അപേക്ഷ ക്ഷണിച്ചു. ചെന്നൈ യൂണിറ്റിലാണ് അവസരം. 48 ഒഴിവുണ്ട്. കരാർ നിയമനമാണ്. ഓൺലൈനായി അപേക്ഷിക്കണം. വിശദവിവരങ്ങൾക്കും അപേക്ഷിക്കുന്നതിനും https://bel-india.in എന്ന വെബ്സൈറ്റ് സന്ദർശിക്കുക.