Let us do the

ഇന്നത്തെ വിദ്യാഭ്യാസ വാർത്തകൾ-[04-04-2022]

So you can give your best WITHOUT CHANGE

ബിസിനസ് മാനേജ്‌മെന്റില്‍ മികച്ച കരിയര്‍: പ്ലസ്ടുക്കാര്‍ക്ക് അപേക്ഷിക്കാം

ഹൈദരാബാദ്, നാഷണല്‍ അക്കാദമി ഓഫ് ലീഗല്‍ സ്റ്റഡീസ് ആന്‍ഡ് റിസര്‍ച്ച് (നള്‍സര്‍) യൂണിവേഴ്‌സിറ്റി ഓഫ് ലോ, മാനേജ്‌മെന്റ് സ്റ്റഡീസ് വകുപ്പ് നടത്തുന്ന അഞ്ചുവവര്‍ഷ ഇന്റഗ്രേറ്റഡ് പ്രോഗ്രാം ഇന്‍ മാനേജ്‌മെന്റ് (ഐ.പി.എം.) പ്രവേശനത്തിന് അപേക്ഷിക്കാം.ബിസിനസ് മാനേജ്‌മെന്റില്‍ കരിയര്‍ രൂപപ്പെടുത്താന്‍ ആഗ്രഹിക്കുന്ന, പ്ലസ്ടു വിജയിച്ച വിദ്യാര്‍ഥികളെ ലക്ഷ്യമിട്ടുനടത്തുന്ന പ്രോഗ്രാം വിജയകരമായി പൂര്‍ത്തിയാക്കുന്നവര്‍ക്ക് ബാച്ചിലര്‍ ഓഫ് ബിസിനസ് അഡ്മിനിസ്‌ട്രേഷന്‍ (ബി.ബി.എ.), മാസ്റ്റര്‍ ഓഫ് ബിസിനസ് അഡ്മിനിസ്‌ട്രേഷന്‍ (എം.ബി.എ.) ബിരുദങ്ങള്‍ ലഭിക്കും.

കുറഞ്ഞത് 60 ശതമാനം മാര്‍ക്കോടെ (പട്ടികവിഭാഗക്കാര്‍ക്ക് 50 ശതമാനം) പ്ലസ്ടു (10+2)/തത്തുല്യ പരീക്ഷ ജയിച്ചവര്‍ക്ക് അപേക്ഷിക്കാം.യോഗ്യതാപ്രോഗ്രാം അന്തിമ പരീക്ഷാഫലം കാത്തിരിക്കുന്നവര്‍ക്കും അപേക്ഷിക്കാം. തിരഞ്ഞെടുപ്പിന്, സ്ഥാപനം പരീക്ഷ നടത്തില്ല. പകരം, ക്ലാറ്റ്‌യു.ജി. (കോമണ്‍ ലോ അഡ്മിഷന്‍ ടെസ്റ്റ്), ഐ.പി.മാറ്റ് (ഐ.ഐ.എം. ഇന്‍ഡോര്‍/ഐ.ഐ.എം. റോത്തക് നടത്തുന്ന ഇന്റഗ്രേറ്റഡ് പ്രോഗ്രാം ഇന്‍ മാനേജ്‌മെന്റ് അഡ്മിഷന്‍ ടെസ്റ്റ്),ജിപ്മാറ്റ് (ജമ്മു, ബോദ്ഗയ ഐ.ഐ.എമ്മുകള്‍, സംയുക്തമായി നടത്തുന്ന ഇന്റഗ്രേറ്റഡ് പ്രോഗ്രാം ഇന്‍ മാനേജ്‌മെന്റ് അഡ്മിഷന്‍ ടെസ്റ്റ്), ജോയന്റ് എന്‍ട്രന്‍സ് എക്‌സാമിനേഷന്‍ (ജെ.ഇ.ഇ.) മെയിന്‍ എന്നിവയിലൊന്നിലെ 2022ലെ സ്‌കോര്‍ ഉണ്ടായിരിക്കണം. അപേക്ഷ ജൂലായ് 10 വരെ https://doms.nalsar.ac.in/ വഴി നല്‍കാം.