Let us do the

ഇന്നത്തെ തൊഴിൽ വാർത്തകൾ (6-11-2023)

So you can give your best WITHOUT CHANGE

ഭാരത് ഇലക്ട്രോണിക്സ് 16 എൻജിനീയർ ഒഴിവ്

നവരത്ന റാങ്കിലുള്ള കേന്ദ്ര പൊതു മേഖലാസ്ഥാപനമായ ഭാരത് ഇലക്ട്രോണിക്സിൽ പ്രോജക്ട് എൻജിനീയറുടെ 16 ഒഴിവിലേക്ക് അപേക്ഷ ക്ഷണിച്ചു. കരാർ നിയമനമാണ്. ബെംഗളൂരു, മുംബൈ, വിസാഗ് എന്നിവിടങ്ങളിലായിരിക്കും നിയമനം. തുടക്കത്തിൽ മൂന്ന് വർഷത്തേക്കായിരിക്കും കരാർ. അപേക്ഷ തപാൽ വഴി അയക്കണം. വിശദവിവരങ്ങൾ https://bel-india.in  എന്ന വെബ്സൈറ്റിൽ ലഭിക്കും. അപേക്ഷ സ്വീകരിക്കുന്ന അവസാന തീയതി: നവംബർ 18.

സെൻട്രൽ ബാങ്കിൽ 192 സ്പെഷ്യലിസ്റ്റ് ഓഫീസർ ഒഴിവുകൾ

മുംബൈ ആസ്ഥാനമായുള്ള പൊതുമേഖലാ ബാങ്കായ സെൻട്രൽ ബാങ്ക് ഓഫ് ഇന്ത്യയിൽ സ്പെഷ്യലിസ്റ്റ് ഓഫീസർമാരുടെ ഒഴിവിലേക്ക് അപേക്ഷ ക്ഷണിച്ചു. ഒന്ന് മുതൽ ആറ് വരെ സ്കെയിലുകളിൽ പെട്ട 192 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. സ്കെയിൽ തിരിച്ചുള്ള ഒഴിവുകളെ കുറിച്ചുള്ള വിശദവിവരങ്ങൾ www.centralbankofindia.co.in  എന്ന വെബ്സൈറ്റിൽ ലഭിക്കും. അപേക്ഷ ഓൺലൈനായി സമർപ്പിക്കണം. അവസാന തീയതി: നവംബർ 19.