Let us do the

ഇന്നത്തെ തൊഴിൽ വാർത്തകൾ (27-11-2023)

So you can give your best WITHOUT CHANGE

കേന്ദ്ര സായുധ പോലീസ് സേനകളിൽ 26,146 കോൺസ്റ്റബിൾ ഒഴിവുകൾ

കേന്ദ്ര സായുധ പോലീസ് സേനകളിലെ കോൺസ്റ്റബിൾ, അസം റൈഫിൾസിലെ റൈഫിൾമാൻ (ജനറൽ ഡ്യൂട്ടി) ഒഴിവുകളിലേക്കുള്ള നിയമനത്തിന് സ്റ്റാഫ് സെലക്ഷൻ കമ്മിഷൻ വിജ്ഞാപനം പ്രസിദ്ധീകരിച്ചു. നിലവിൽ ആകെ 26,146 ഒഴിവാണുള്ളത്. പത്താംക്ലാസ് യോഗ്യതയുള്ളവർക്ക് അപേക്ഷിക്കാം. എല്ലാ സേനകളിലും വനിതകൾക്ക് അവസരമുണ്ട്. അപേക്ഷ: വിശദവിവരങ്ങളടങ്ങിയ വിജ്ഞാപനം https://ssc.nic.in  എന്ന വെബ്സൈറ്റിൽ ലഭിക്കും. അപേക്ഷ ഓൺലൈനായി സമർപ്പിക്കണം. അവസാന തീയതി ഡിസംബർ 31.

സി-ഡോട്ടിൽ 26 എൻജിനീയർ ഒഴിവുകൾ

ഡൽഹിയിലെ സെന്റർ ഫോർ ഡെവലപ്മെന്റ് ഓഫ് ടെലിമാറ്റിക്സിൽ എൻജിനീയർമാരുടെ ഒഴിവിലേക്ക് അപേക്ഷിക്കാം. 26 ഒഴിവുണ്ട്. കരാർ നിയമനമാണ്. രണ്ടു വർഷത്തേക്കായിരിക്കും കരാർ. ആവശ്യമെങ്കിൽ ഒരുവർഷം കൂടി നീട്ടിനൽകും. യോഗ്യത: എൻജിനീയറിങ്/ സയൻസ്/ ടെക്നോളജി ബിരുദം. വിശദവിവരങ്ങൾ www.cdot.in എന്ന വെബ്സൈറ്റിൽ ലഭിക്കും. അപേക്ഷ ഓൺലൈനായി സമർപ്പിക്കണം. അവസാന തീയതി: ഡിസംബർ 7.